Á árinu 2013 lönduðu skip Hraðfrystihússins-Gunnvarar hf. 13.270 tonnum að verðmæti 3.431 milljónum króna samanborið við 12.363 tonn að verðmæti 3.598 milljónir árið 2012.
Aukning varð á aflamagni um 7% og aflaverðmæti dróst saman um 5% á milli ára.

Lægra aflaverðmæti skipanna má rekja til lægra afurðaverðs á helstu markaðssvæðum félagsins og styrkingu krónunnar gagnvart helstu gjaldmiðlum viðskiptalandanna. Valur og Örn voru gerðir út á rækjuveiðar í Ísafjarðardjúpi og gengu þær veiðar vel og aflabrögð góð.

Útgerð skipa félagsins gekk vel og togarar félagsins fóru ekki í slipp á árinu. Aflabrögð voru góð á árinu líkt og árin á undan sem hefur leitt til hagkvæmari sóknar.

Afli skipa

	2013	2013	2012
Júlíus Geirmundsson	4.674 tonn	1.667 mill.	1.850 mill.
Páll Pálsson	5.075 tonn	901 mill.	968 mill.
Stefnir	3.213 tonn	779 mill.	770 mill.
Valur og Örn	308 tonn	85 mill.	10 mill.
Samtals.	13.270 tonn	3.431 mill.	3.598 mill.

Erfitt tíðarfar

Mjög erfitt tíðarfar hefur verið síðustu vikurnar og sjósókn erfið, í  dag fóru fyrstu skip félagsins til veiða á nýju ári. Valur og Örn héldu til rækjuveiða í Ísafjarðardjúpi í morgun og  Júlíus Geirmundsson fór til veiða kl.13.00.  Páll fór kl. 16:00 og Stefnir fer væntanlega út í kvöld.

Til baka